દૂર અનંત માં જે સંભળાય છે એ રવ કોણ ? ગુલાબની પાંખડી પર થી સરી પડતા ઝાંકળ બિંદુમાં પ્રભાતે કલરવ ધોળે એ કોણ ? જાણે કે કોઈ રંગો ની પ્યાલી ઢોળતું હોય એમ સાંજે વાદળો માં ઉન્માદ ભરે એ કોણ ? સૂરજમાં આગ ને ચાંદા માં શીત ભરે એ કોણ ? પક્ષીની પાંખોમાં સાવ હળવા પીંછાથી છેક અવકાશી ઉડાન ભરે એ કોણ ? નવલખ તારાના ટોળામાં વચ્ચે આકાશગંગા ગોઠવે એ કોણ ?
એકતારો પર ગોઠવાઇ ગયેલો ભગવો સૂર એ કોણ ? દરિયામાં મોજાં ખેંચી ને પાછા ધકેલે એ કોણ ? મુઠ્ઠીભર મમત આપીને ક્ષિતિજ પર પાંચીકા રમતા શ્વાસ ગણે એ કોણ ? મબલખ મખમલી વાતો કરે ને કરાવે એ કોણ ?
: અવની બધેકા
No comments:
Post a Comment